احساس جوايا

...
سيبوني أبكي
ماحدش يسكّتني.
الناس زمان كانت تسكّتني لما أبكي،
لدرجة إني بقيت أتكسف أبكي حتى قدام نفسي.
نفسي أبكي،
من غير ماحد يمسح دموعي.
حاسس إن الدموع دي بتطفي نار جوايا
نفسي أبكي..
من غير ماحد يطبطب عليَّ،
علشان ما يحسسنيش إنّي ضعيف.
نفسي أبكي،
ومش عايز حد يحضنّي.

أنا عايز حد يسمعني ... عايز حد يحس بيَّ
عايز حد يبكي معايا... يحسسني فعلاً إن ألمي يستاهل
الدموع
سيبونى أبكي.
سيبونى أبكي، من غير ما تسألوني مالك!
إيه اللي فيك؟
من غير ما توعظوني... من غير ما توبخوني
من غير ماحد يقول لي: "بكاك من ضعف إيمانك"

يعني هو إيماني، عايزني لما أعاني، أضحك!؟
أضحك على نفسي!؟
ضحكت كتير... مع إن الجرح كان كبير

كنت باخاف أبكي
لكن النهاردة هاأبكي
أنا تعبان... عايز أبكي،
أبكي من إدماناتي اللي مبهدلاني.
أبكي على احساسي بهويتي إللي ضاع مني.
لما اسأل نفسي أنا إيه؟ أنا ليه؟
مش ده يستاهل أبكي؟؟
لما أبص لنفسي في المرايا... وألاقيني مش بأحبني
مش ده يستاهل أبكي؟؟
لما النار تكون قايدة في قلبي... على إللي بأعمله في
جسمي
مش ده يستاهل أبكي؟؟
الدموع لو فِضلت في عينيَّ هاتخليني مش شايف
أنا ها أبكيها... ها أبكي ومش خايف
أنا تعبان، موجوع، باتألم، وسكاكين بتقطع فيَّ.
حاسس إنه ما حدش حاسس بيَّه

ابكى كتيييييييييير علشان ترتاح
بس ماذا بعد البكااء ؟؟؟؟؟؟؟؟؟؟؟؟؟؟؟؟
هل تعود الى ما كنت ام تغير ما انت فيه ؟

وصلنا احساسك يا بلبيسى

يااااااااااااااااااااة
ليك وحشة جامدة يا بلبيسى
وحشنا كلامك واحساسك اللى بيعبر عننا

بس زى ما قالت زهرة
ابكى
ابكى اوى
وانت هترتاح
وهتهدى
وهتعرف تفكر

ربنا يزيل عنك الهموم يارب


تحياتى
ونأسف ع الازعاج

ابكى يامصطفى بدون اذن
ابكى
ابكى
ابكى
ابكى
ولكن لاتمنع فرد من الوقوف بجانبك يحضنك يمسح دمعتك يحس وحدتك يشاركك دمعتك

وبجد نورتنا من جديد ولكن ناسف على هذا الاحساس واحنا كلنا جنبك ان شاء الله

وربنا يخفف من حزنك ويزوود فرحك ويعوضك عن اى لحظة حزن

ياااااااااااااااه انت باين عليك مهموم اوي
ساعات الدمع بيريح كتير
وساعات بينزل زي النار بتكوي جروح
عايز يموتها
لكن ابكي وارتاح
يارب يزيل عنك همك
يارب