عن تربية الارانب

موضوع: عن تربية الارانب 2008-06-01, 3:25 pm

مقدمة:

عرفت الأرانب منذ زمن بعيد حيث وجدت صور لها في مقابر الفراعنة بمصر ويرجع تاريخ ذلك إلى عام 2600 ق.م والموطن الأصلي للأرانب هو أفريقية وحوض البحر الأبيض المتوسط ومنها انتشرت في جميع أنحاء العالم.

والأرانب حيوانات برية قارضة تتبع الحيوانات الثديية ( لأنها تحمل وتلد) وتربى بجوار المنازل على هامش المزارع ولاتحتاج تربيتها إلى رأس مال كبير وأماكن واسعة ومشقة كبيرة لأنها سهلة التربية والتغذية ولها مقدرة كبيرة على تحويل المواد العلفية الرخيصة الثمن إلى لحم ذو قيمة غذائية عالية وفراء ذو قيمة مالية كبيرة وتمتاز بمقاومتها للأمراض وسرعة توالدها حيث تلد 4-7 مرات في العام وتنضج جنسياً بعد 5-6 أشهر وتلد في كل مرة 5-12 فرد تقوم برعاية صغارها بنفسها.

والأرانب كثيرة الخوف شديدة السمع والشم والحذر الدائم سريع الجري خفيفة البصر ترقد أو تختبئ نهاراً وتخرج للبحث عن غذائها بعد الغروب.

وتربى الأرانب في مزارع اقتصادية تدر أرباحاً طائلة إذا ما اعتني بتربيتها جيداً وفق الشروط الفنية الحديثة وهي مصدر دخل مستمر للمربي والفلاح لتحسين مستوى المعيشة لهما كما أن لحمها لذيذ وتسد حاجة المستهلك من البروتين الحيواني والرغبة في اقتناء الفراء، وحياة الأرانب الإنتاجية تصل إلى ثماني سنوات وزوج منها ينتج في السنة مع مواليده وأبناء مواليده مايقدر بـ288 – 312 كغ لحم وهذا مايعادل وزن خمسة خراف متوسط وزن كل منها 50-60 كغ أو وزن عجل مسمن لمدة سنة، وخاصة فإن الوعي الثقافي والاجتماعي وارتفاع مستوى المعيشة بالوطن العربي يتطلب حتماً مزيداً من الاحتياجات الغذائية وخصوصاً هذه المواد الأساسية الضرورية في التغذية السليمة الصحة وذلك بغية تدارك النقص الحاصل في برامج الإنتاج الحيواني وزيادة الأعداد المرباة من الأرانب وتعويض نقص البروتين الحيواني وسد حاجة الأسواق من الفراء والشعر باتباع أحدث الطرق العلمية والتكنيك الحديث فيها كل ذلك يحقق للوطن العربي مزيداً من الإنتاج ومانرجو هل من عز وتقدم وازدهار ونصر.
.
احمد بدوى

موضوع: رد: عن تربية الارانب 2008-06-02, 7:59 am

موضوع مهم يا شباب
وكمان مشروع مربح
ولكن الموضوع عايز خبرة عالية
ونصائح غالية
من ذوي الخبرة
الذين جربوا من قبل
وياريت نحن أعضاء المنتدى
نكون رابطة لمربي الأرانب بكلية التربية النوعية
وأكون أنا أول أعضاء هذه الرابطة لأني من صغري وأنا أهوى تربية الأرانب
وعندي الآن مشروع تربية أرانب في مزرعة صغيرة
الموضوع ممتع يا شباب وكمان مربح
وشكراً يا باحثاً عن الحب
على هذا الموضوع الجميل

موضوع: رد: عن تربية الارانب 2008-06-02, 2:49 pm

كويس يا دكتور ان شاء الله من النجمة هملالك الكلية ارانب

موضوع: رد: عن تربية الارانب 2008-06-05, 3:36 am

هههههههههههههههههههههههههههههههه
مشورع جميل قوى
وانا عارفه فيه شويه

عايزي الناس بدال ما يمسكوا كلاب وقطط فى الشارع تمسك انارب
موضوع جميل يا باحث

موضوع: رد: عن تربية الارانب 2008-06-05, 2:12 pm

هههههههههههه شكرا لمرورك يا فسفوسة ويا رب تكونى مبسوطة معانا

موضوع: رد: عن تربية الارانب 2008-06-23, 10:54 pm

يا عم انارب ايه انت كده هاتخالينى اغير فكرتى عنك

موضوع: رد: عن تربية الارانب 2008-06-26, 2:47 pm

بااااااااااااااااااااااااااااايخ
فكرة عن الباحث عن الحب
الراجل عايز ارانب مش انارب
يلا غور

موضوع: رد: عن تربية الارانب 2008-06-26, 9:53 pm

على فكرة هو ما غلطشى فيك على شان تغلط فيه حرام عليك والله ده منتدى محترم

موضوع: رد: عن تربية الارانب 2008-07-18, 3:09 pm

انا عندى شويه خبرة فى الموضوع دا لانى وانا صغيرة كنت انا وخالو بنربى ارانب سوى فوق سطح جدووكنا بنعمل السلاكه بادينا ...
من ضمن اهم الحاجات اللى لازم تخدوا بالكوا منها فى المشروع دا ان الحيوان دا حساس جدا ولازم ميتغيرش عليه وجهه اشخاص كتير يعنى اللى يحطله الاكل يبقى شخص واحد هو هو واللى بينضفله السلاكه بردو ... كمان بيحتاج شمس وبيحتاج نظافه مستمرة ,,, ويكون خروم السلك ضيق جدا عشان مافيش اى حاجه تقدر تدخلها
على فكرة انا دلوقتى بطلت عشان المشروع باظ بسبب خروم السلاكه الوسعه .... خلى بالكوا بقا وعلى فكرة مشروع مربح جدا ...وحلو جدا.. وحساس جدا جدا جدا

موضوع: رد: عن تربية الارانب 2008-07-19, 7:27 am

كلامك سليم يا ملاك
ولكن يعني إيه كلمة السلاكة ؟
وكيف أن خروم السلاكة الواسعة بوظت المشروع ؟
أرجو التوضيح

موضوع: رد: عن تربية الارانب 2008-07-19, 10:49 am

بيتهيالى هى تقصد يا دكتور المكان اللى بيعيش فيه اسمه بوكس او صندوق بتتربى فيه الارانب
بيبقى مصنوع من الخشب و متغطى بسلك من جميع النواحى
ولازم يكون السلك ده مقاس الفتحات بتاعته مناسبه يعنى مش كبيره اوى ومش صغيره اوى
بس فعلا زى ما بتقول انا كنتعلى ما اسمع ان اللى يدخل يأكله لازم يكون واحد
لان الارانب اذكياء جدا وبيبقوا عارفين صاحبهم جدا
وكمان بيتحسدوا
ده على حد علمى والله اعلم

موضوع: رد: عن تربية الارانب 2008-07-20, 1:43 pm

بالظبط يا شوشو .... هو انا قصدى كده .....
السلاكه هى الخليه اللى نربى فيها الارانب وتبقى مقاسها كبير شويه .... وممكن نعملها مقاس اصغر عشان يعيش فيها جوز من الارانب بس ... والكبير عشان يبقى فيه مجموعه ....بيبقى اطار خشب لمكعب بيتعمله باب من فوق بالخشب ويتحاوط كله بالسلك ويتعمله دورج من تحت .. تحت السلك عشان يتنضف
اما بالنسبه لخروم السلاكه الواسعه خطر لانها بتسبب دخول حاجات جوة السلاكه ممكن تموت الارانب زى مثلا العرس او ان الارانب نفسها بتتحشر بين خروم السلاكه او تتعور منها ..... ولو ضيقه زيادة بتلم تراب وتتقفل وطبعا دا غلط جدا ..... كمان السلاكه بيبقى فيها جزء تحت الارانب سلك عشان فضلات الارانب تقع فى دورج وبالتالى موضوع النظافه يبقى سهل شويه .... لو الخروم ضيقه مش هتسمح بالموضوع دا ....
ملحوظه كمان نبعد الاطفال الصغيرة عن المشروه خالص لان الارنب حيوان جبان واقل حاجه بتخوفه جدا ... يعنى لو مثلا طفل مسكله عصايا وقاله ارفع ايدك فوق وخبط على السلاكه خبطتين وزعقله زعقتين وفى الاخر عيط عشان الارنب مارضاش يرفع ايدة لفوق الارنب هيموت فيها نتيجه لهارداتاك ( ازمه قلبيه) على فكرة الكلام دا بجد مابهزرش Razz

موضوع: رد: عن تربية الارانب 2008-08-01, 8:04 am

شكراً شوشو وملاك