شوفوا امتحان 2050 عامل ازاى؟

موضوع: شوفوا امتحان 2050 عامل ازاى؟ 2008-04-28, 9:51 pm

امتحان عام 2050
وزارة هنديك بالشبشب
امتحان الدور الأول للصف العاشر الابتدائي
للعام المنيل بنيلة 2050/2051
أختبار اللغة العربية
-------------------------------------------------------------------
ان شاء الله هنشوفك السنة الجاية يا باشا
وقت الاجابة : خلص نفسك و اجري
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
=====================
هذا الامتحان برعاية بيبسي كولا
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))
==================================================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).
ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))

==================================================
السؤال الأول (20 علامة )
==================================================
قال ريكو في أغنية (( خلي الشعب يعيش )) مايلي :

راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
==================================================
الأسئله
==================================================
1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 علامات)
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 علامات)
3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 علامات)
4- استخرج من البيت الثالث صورتين فوريتين مبينا نوع الكاميرا (3 علامـات)

==================================================
مساحة خالية للإعلان- ت : واحد اتنين .. الجيش العربي فين
==================================================
السؤال الثاني ( 8 علامات )

==================================================
1- تم نقل السوق المالي إلى سوق السمك ؟ (2 علامـة)
2- إقبال الناس الى شراء نوكيا 9990 و عدم شراء نوكيا 9900 ؟ (2 علامـة)
3- إغلاق شبكة الأخبار Pnn بعد زواج شارون ستون ؟ (2 علامـة)
4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 علامـة)

==================================================
*** أخي الممتحن أقلب الصفحة: والله لتندم عالساعة اللي دخلت فيها المدرسة ***

==================================================
السؤال الثالث –اختياري- (5 علامات)
اكتب الاسم المستوفى من السؤال

ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 علامــات)
==================================================
فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))
==================================================
السؤال الرابع (8 علامات)
==================================================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :

" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "
الأسئلة
==================================================
1-ماذا كان يريد ان يقول عمرو دياب للبت ؟ (4 علامــات)
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 علامـــة)
3- ما اسم صبي الخياط بتاع ام الموديل اللي كانت مع عمرو في الكليب ؟ (2 علامـــة)

==================================================
السؤال الخامس (20 علامة)
==================================================
موضوع تعبير

قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 علامة)
==================================================
بيبسي كولا
المشروب الرسمي لهذا الامتحان
==================================================

*** أخي الممتحن أقلب الصفحة أحسنلك (( اصلك مش عارف اللي فيها )) ***

==================================================
السؤال السادس ( 19 علامة )
==================================================
اجب عن أربعة فقط من الأسئلة التالية
==================================================

1- من برأيك أقوى وأفضل بوكيمون - هل هو – بيكاتشو ؟؟؟ (5 علامــات)

2 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في كوريا و اليابان 2002. (4 علامـات)
==================================================
عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً
==================================================
سؤال المساعدة ( لرفع العلامة ) ( 20 علامــة)
و ملهوش لازمة اساساً
==================================================
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
==================================================
انتهت الاسئلة و نلقاكم في امتحان الدور التاني ان شاء الله
ربنا يعينكم علينا
مع تحيات بيبسي كولا الراعي الرسمي للأمتحان

هههههههههههههههههههههههه
احلى اسئله هى دى الاسئله ولا بلاش

بس انت عايزه تعمى عنينا
بس ايه الاسئله اللى مش تتحل دى
وكمان انتى اكدتيها (انتهت الاسئلة و نلقاكم في امتحان الدور التاني ان شاء الله
ربنا يعينكم علينا)

مين يعيش بقى
الصحه خلاص يا ايمان
ههههههههههههههههههههههههههههه
_________________

(( ألم ))
كم هو مؤلم أن تحب شخصاً ما ..!
وكم هو مؤلم حين لا يبادلك هذا الحب
لكن ما هو أشد إيلاما هو أن تحب أحدهم
ولا تملك الشجاعة الكافية - لإعلامه بما تشعر به نحوه ..!

ههههههههههههههههههههههههههههههههههههههههه
هههههههههههههههههههههههه
لذيذ يا ايمان
بس بصراحه فتحت نفس الممتحن من اولها وهنشوفك السنه الجايه يا باشا
اسكتى مش لغوا الباشويه
ههههههههههههههههههههههههههه
تقبلى مرورى
اختك: بطوووووووووووووووووووط

شكرا على الردود يا بطوط يا عسل وشكرا ليك يا سفير

ربنا يديكوا الصحة وتحضروا امتحان 2050

ههههههههههههه ةلا اذا كان زى ده
فاحضريه انت احنا هنكون ارتحنا جدااااااااااا
ههههههههه
اختك: بطوووووووط

ههههههههههههههههههههههههههههههههههههههههههههههههههههههههه
جميل قوي يايمان

بالذات هزيها بشويش بشوبيش هو ده الشعر ولا بلاش

تسلمي يايمان
_________________
مع تحيات المهندس

ههههههههههههههههههههههههههههههههههههههه
ربنا يخللنا وزارة التربية والتعليم ووزارة العليم العالى
_________________
لا تأسفن على غدر الزمان لطالما
رقصت على جثث الأسود كلابُ
لا تحسبن برقصها تعلو على اسيادها
فالأسد أسدُ و الكلاب كلابُ
تبقى الأسـود مخيفة في أسرها
حتى و إن نبحت عليها كلابُ

بصراحه امتحان جامد جدا
هى دى الامتحانات والا بلاش
بس ملحوظه ................لو الامتحانبالخط ده فا الواحد ينتحر أسهل

معلش يا بنت مصر ع الخط جه كده غصب ومرضيش يتعدل

عندى دى يا سكر

ههههههههههههههههههههههه

هى ديه الامتحانات ولا بلاش مش اللى بيجبوهلنا

وعقبال بقيه الامتحانات