ورط اللى وراك

موضوع: ورط اللى وراك 2007-11-22, 10:54 pm

[size=25] [center]

[center]ورط اللي بعدك بسؤال؟؟ لعبه روووووعه
السلام عليكم

عندي لكم لعبه شفتها في احد المنتديات وعجبتني

ورط اللي وراك

كل شخص يسأل ويرد عليه اللي بعده شرط..يجاوووب بصراااحة..
أنــا أبدأ..

اللي بعدي...

كم عمر امك؟
ههههههههههههههههههههه

يالله هذا سؤال سهل مين اللى بيجاوب اول واحد

موضوع: رد: ورط اللى وراك 2007-11-23, 2:29 pm

الله اعلم تعرفى انتى لو تعرفى ابقي قوليلى اوك ههههة وانا هسالك سؤال كام عمر القطة الى عندكم هااااااااااااااااااااااا تعرفى

موضوع: رد: ورط اللى وراك 2007-11-23, 3:02 pm

ايوة عارفة اكيد عمرها ما بين 40 - 45 سنة
وبعدين ما هى عندك ما تساليها
اوكى

على العموم انا هجاوب على السؤال بتاعك
انا معنديش قطة اصلا عشان اعرف عمرها
وبعدين لو عندى انا هعرف ازاى

المهم انا هورط اللى بعدى بسؤال وهو

قول اسم فيلم رومانسى يبتدى بحرف ف

موضوع: رد: ورط اللى وراك 2007-11-23, 4:02 pm

مش عارف يا اسماء حولى تسهليها

موضوع: رد: ورط اللى وراك 2007-11-23, 4:10 pm

يا سلام بس كده
حاااااااااضر

فيلم فى محطة مصر بتاع كريم عبد العزيز ومنة شلبى

على العموم
هغير السؤال

قول ما هو افضل فيلم رومانسى بالنسبة لك

موضوع: رد: ورط اللى وراك 2007-11-23, 4:28 pm

كان يوم حبك بتاع خالد سليم

وفلم حبيبى دائما لنور الشريف

موضوع: رد: ورط اللى وراك 2007-11-23, 4:47 pm

ويوم من عمرى لحليم وزبيدة ثروت

موضوع: رد: ورط اللى وراك 2007-11-23, 4:49 pm

عن العشق والهوى
ماهو افضل فيلم كوميدى Very Happy

موضوع: رد: ورط اللى وراك 2007-11-23, 5:01 pm

جائنا البيان التالى

موضوع: رد: ورط اللى وراك 2007-11-23, 5:18 pm

ايه يا جماعة انتوا قلبتوها افلام كده ليه ده المفروض سوال توريط كل واحد يورط الى وراه 0

انا بقى اورط الى ورايه واقول

انت راضى عن نفسك دينيا واخلاقيا وعلميا يعنى راضى عن حياتك كلها ولا ايه Question

موضوع: رد: ورط اللى وراك 2007-11-23, 5:19 pm

هو مش سوال توريط اوى يعنى بس معلش مش عرفة سوال غيره دلوقتى

بس ياريت فى حد يقف امام نفسه ويجاوب راضى عن نفسك وحياتك ولا ايه 0

موضوع: رد: ورط اللى وراك 2007-11-23, 10:14 pm

هو انا راضية عن حياتى لانى مقدرش اغيرها
لكن نفسى ساعات ببقى راضية عنها وساعات 000000000000000

وساعات مش عارفة ببقى مش لاقية نفسى اصلا

بجد انتى لو سالتى السؤال ده لاى حد حتى ولو حرامى
هيقلك اه طبعا راضى عن نفسى
لكن من جواه لو دور جوه جوه جوه نفسه هيلاقى ربنا مش راضى عنه اصلا

بجد يا نوده ورطينى فى الاجابة

على العموم انا هورط اللى بعدى فى السؤال ده

كم وزنك

بصراحة ممنووع الكدب

موضوع: رد: ورط اللى وراك 2007-11-24, 11:45 pm

80 كيلو جرام عايزه الطول كمان

وحورط اللى بعدى بسؤال

الحلاق او الكوافير اللى انت بتحلق عنده اسمه ايه ؟؟؟؟؟؟؟؟؟؟؟؟؟

وعنده كام سنه

موضوع: رد: ورط اللى وراك 2007-11-25, 1:59 am

بتحسسنى يا ايمن ان الحلاق ده قريبى وايه التوريط فى كده

وعموما اسمه محمود الرغاى وعمره 25

طب هاورط اللى وراية وهاقول
حبيت كام مرة وايه هى مواصفات شريكة حياتك او العكس

وانت لقتها ولا لسه

موضوع: رد: ورط اللى وراك 2007-11-25, 2:36 am

انا مش حبيت ولا مرة 0

مواصفات بقى شريك حياتى هى ممكن تكون صعبة شوية وميثالية بس معلش انه يكون عارف ربنا مش بيشرب سجاير وياريت يكون بيكرهها يكون مؤدب ومحترم ويكون له شخصية متفاهم يقدرنى كويس ويخاف عليا مش يكون عصبى يكون راجل بجد واتمنى انى اكون اول حب له مع انى عارفة انه صعب ويكون حنين وطيب ويكون اكيد بيحبنى واتمنى انى القى حد كده فعلا مع انى عارفة انه صعب 0

وانا لسه مش لقيته 0

وهورط الى ورايه وهقول :
ايه الحجات الى بتحبها فى نفسك وشخصيتك وايه اكتر حاجة بتكرهها 0
وهل حاولت تغير الى انت بتكرهه ده ولا لا0 Question

ولما حاولت نفع التغير ولا مش نفع Question

موضوع: رد: ورط اللى وراك 2007-11-25, 3:30 am

احلى حاجه انا شيفاها فى نفسى أنى معرفشى اكره حد والحمد الله بحب كل الناس ومحبوبه من الناس اللى يعرفونى . وبحب اساعدغيرى.والحاجه اللى بكرها فى نفسى انى لم يكون فيه حاجه مزعلانى او حد زعلنى ساعتها بكون قفل قوى ومش عايزه حد ينطق بكلمه واحده .
اما من ناحية انى اغير نفسى اللى فيه عاده مش بتتغير مهما حاولت
دلوقتى هاورط اللى ورايه
بصراحه كده اذكر الاعضاء المحبوبين ليك واللاعضاء اللى انتى مش طايقهم يعنى بتحب اومعجب بمين ومش طايق مين ومين الاعضاء النص نص

موضوع: رد: ورط اللى وراك 2007-11-25, 6:51 pm

الاعضاء المحبوبين هما:
1-marwa_2010 (مرمر حبيبة قلبى)0
2-سنيوريتا (سمسمة الجميلة)0
3-بوسى صبرى

الاعضاء الى معجبة بيهم:
انا معجبة بموضوعاتهم وهم شروق وسنيوريتا والزميل فارس القلب الحزين والزميل محمد ابراهيم وبتمنى ليهم ولكل الاعضاء التوفيق0
وكل الى بيحطوا موضوعات مفيدة 0

الاعضاء الى مش بطيقهم:
اعتقد انه مفيش بس غير الاعضاء الى مضتهضين الاهلى وبيتكلموا عليه كلام مش كويس 0

الاعضاء نص نص مفيش 0

كفاية كده 0

واكيد يعنى بقدم كل الشكر والتقدير والاحترام للدكتور عماد سالم0

واحب اورط الى ورايه واقول:

هل تعرف ربك ما مدى صلتك به Question

اتمنى انى الاقى اجابة 0

موضوع: رد: ورط اللى وراك 2007-11-25, 9:16 pm

كل واحد عليه يجاوب السؤال ده بينه وبين نفسه

انت شايف الحب من اى اتجاه؟
سؤال عام اه اكتر من اجابه ياريت كله يقول رايه
_________________
غـــــــــــــــــــــــــــــــــــــــــــــــــاوى نـــــــــــــــــــــــــــــــــــــــــــــــت

موضوع: رد: ورط اللى وراك 2007-11-26, 4:00 am

انا قولت راى قبل كده فى الحب بس حقوله تانى الحب اسمى حاجه موجوده

ومش بحب اللى بيظلموا الكلمه ديه

موضوع: رد: ورط اللى وراك 2007-11-26, 4:01 am

وانا مش سالت عشان محمد قال ياريت كله يقول رايه لا انا بردو احب اشوف ارائ تانيه

موضوع: رد: ورط اللى وراك 2007-11-30, 11:48 pm

ممكن اقول رأيى بصراتحة فى الحب

اتخيل ان الله كان بيوزع الارواح فقام بتقسيمها

وكل واحد اتو واحدة يلاقى النص التانى من روحه يقدر يقول ان حياته اكتملت ولئى حبيبه

فعلا ادامه.

دى فكرتى وتخيلى ............. والله واعلم.

اورط اللى ورايا واقوله بكل صراحه انتا بتحب بجد يعنى لئيت نص روحك التانى.

موضوع: رد: ورط اللى وراك 2007-12-01, 2:59 pm

الصراحة يا كريم لسه ملقتشى نصى التانى

واتمنا انى القيه عشان نبنى مستقبلنا سوا
....................................

وهاورط الل وراية

انت بجد حاسس ان ربنا راضى عنك

انت بجد حاسس ان والدك ووالدتك راضيين عنك

انت بجد حاسس انك راضى عن نفسك وعن تصرفاتك

بس لو هاتجامل بلاش ترد

موضوع: رد: ورط اللى وراك 2007-12-01, 4:39 pm

اولا ديه اول مرة اشارك في اللعبة ديه و انا هارد عليك يا فارس

الحمد لله حاسس ان ربنا راضي عني لاني الحمد لله ناجح في حياتي العملية و الدراسة
تاني حاجة
الحمد لله عارف و متأكد ان والدي و والدتي راضين عني لان من غير رضاهم مش هنعرف نعيش مرتاحين و كما قال رسولنا الكريم (ص) رضا الرب من رضا الوالدين
بمعنى انك عندما ترضي اهلك سوف يرضى عليك ربك
تالت حاجة
اما من ناحية نفسي فأنا الحمد لله راضي كل الرضا لاني عارف فروض الله و بعمل بيها و الحمد لله بعمل اللي عليا و الباقي على ربنا بقى و مش عارف اقول ايه اكتر من كدة انا هاعيط اهيئ اهيئاهيئ
ههههههههههههههههههههههه
............................................
انا هاورط اللي بعدي في سؤال جامد جدااا
ايه اكتر حاجة بتعملها و انت مش راضي عنها؟

موضوع: رد: ورط اللى وراك 2007-12-02, 9:56 pm

ايه يا جماعة محدش عرف

طيب هاقولكم انا

هي

المذاكرة

السؤال ده سهل جدا

ايه اول حاجة بتحب انك تشوفها اول مابتصحا من النوم؟

موضوع: رد: ورط اللى وراك 2007-12-03, 8:46 pm

انا بحب اشوف السرير مرة تاني

انا اورط الى ورايا واسأله

مين احسن دكتور فى التربية النوعية؟

موضوع: رد: ورط اللى وراك 2007-12-04, 12:10 am

مع ان السؤال ده صعب لان اكيد في داكاترة هتزعل بس معلشي و احنا اسفين لكل دكتور في الكلية معانا

و احسن دكتور قابلته بالنسبة ليه و عاملني بأحترام و بدون تقشف او كسوف و كان بيعاملني زاي اخوه الصغير و بيرحب باي فكرة من اي طالب او طالبة و مابيعملش فرق بين اي حد عنده و الطلبة كلهم بالنسباله اكيد اخواته الصغيرين و بحمد ربنا انه عنده سعت صدر كبيرة لسماع اي مشكلة او اي مطلب من اي طالب هو الدكتور
عماد سالم
بدون تحيوز ولا اي حاجة بس الدكتور ده عمري ماشوفت دكتور بيعامل الطلبة بتوعه كيدة
و يمكن ان اخويا معيد في كلية الزاعة جامعة عين شمس و بيحضر ماجيستير الا اني شايف ان احسن دكتور هو الدكتور عماد سالم و بس
في الكلية ديه كلها و يمكن يكون في الجامعة و انا نفسي اخويا لما ياخد الدكتوراه يبقى زايه كدة
و مايبقاش زاي دكاترة تانيين و انتوا عارفين بقى ههه
اللي بعدي يأخد السؤال الجامد ده ( مين اللي بتحب تشوفه اكتر والدتك ولا والدك )

موضوع: رد: ورط اللى وراك 2007-12-04, 12:15 am

الاتنين

هههههههههههههههههههههههههههههههههههههه

موضوع: رد: ورط اللى وراك 2007-12-04, 12:59 pm

طب فين السؤال يا هدى

اسأل انا هو فيلم اجنبي يبدا بحرف ال ع بالعربية
و بيدا بحرف الo في الانجليزية

و هو فيلم ديني اسلامي عربي اميريكي و بيتعرض في التليفزيون كتيييييييييييييييييير

ها اسمه ايه؟

موضوع: رد: ورط اللى وراك 2007-12-04, 4:06 pm

الفيلم بالعربية ( عمر المختار)0

بالانجليزية (omar el mokhtar)

وهورط الى ورايه فى:

ماذا تعنى لك الكلية او الجامعة (مذاكرة ومستقبل- ولا كلام مع بنات وولاد وهزار وضحك ولعب وخلاص- ولا اهى مرحلة وهتعدى)0

موضوع: رد: ورط اللى وراك 2007-12-04, 5:12 pm

الصراحة تعني الكثير و الكثير
اولا تعني شهادة وخلاص
و تعني علم او افادة اكتر و الكثير

برافو يا ندى مع اني كنت متوقع ان محدش هيجاوب عليها خالص

هاورط اللي بعدي

من هو اول مؤذن للمسلمين؟

موضوع: رد: ورط اللى وراك 2007-12-04, 5:27 pm

اى خدمة يا خالد وبعدين على فكرة انا مش اسمى (ندى) انا كتبه (نوده) هو ده طبعا مش اسمى بس انا بحبه0

اول مؤذن للمسلمين (بلال بن رباح)0

واورط الى بعدى فى :

ايه اكتر حاجة بتضيقك فى نفسك ومش عارف تغيرها Question

موضوع: رد: ورط اللى وراك 2007-12-04, 7:40 pm

اوكز يا نودة و اكيد طبعا ده مش اسمك الحقيقي

و باين معلومات قوية جداااااا
الله اكبر انا مابحسدش
انا بقر بس
انا هارد على السؤال ده

هي اني مش بعرف انسجم كتير مع الناس و ممكن افضل في وحدة طويلة جدا

السؤال التوريط الجامد جداااااااااااااا

( ايه هو طموحك في المستقبل )

موضوع: رد: ورط اللى وراك 2007-12-04, 8:00 pm

انى اتجوز الى انا عاوزاه

موضوع: رد: ورط اللى وراك 2007-12-04, 8:36 pm

ماشي يا عم الله يسهلوا

و تاني فين السؤال يا هدى

اسأل انا بقى

( ايه هي اكتر حاجة بتحبها في صاحبك الانتيم )

موضوع: رد: ورط اللى وراك 2007-12-04, 9:50 pm

انه مش يكون كتير الكلام ياخالد

ومش سأل

موضوع: رد: ورط اللى وراك 2007-12-04, 10:15 pm

اسال ايه رايك فى الدكتور (جمال عبد السميع)

جاوب بصراحه

موضوع: رد: ورط اللى وراك 2007-12-04, 10:16 pm

ماتسألش يا سفير

اسأل انا

ايه اغلى جورة في الحياة

موضوع: رد: ورط اللى وراك 2007-12-04, 10:18 pm

نفس رأيكم انتوا في الدكتور جمال و مش هينفع يتغير و هاخليه شخصي بيني و بين نفسي لو سمحتوا

السؤال ايه اغلى حاجة في الحياة

موضوع: رد: ورط اللى وراك 2007-12-04, 10:21 pm

الهروب

اغلى حاجه فى الحياه

هى انا و...................

موضوع: رد: ورط اللى وراك 2007-12-04, 10:26 pm

لا لأ طبعا يا هدى ديه اوحش حاجة في الحياة انك تهربي حتى من نفسك

و لو واجهتي المشكلة يبقى احسن بكتيييييييييييييير

و اغلى حاجة في الحياة هي الايمان بالله و قلب المؤمن الصادق

السؤال اللي بعده ( انتوا بتناموا امتى )

موضوع: رد: ورط اللى وراك 2007-12-04, 10:26 pm

و ايه يا هدى مش عندك حاجه تورطى اللى بعدك بيها

موضوع: رد: ورط اللى وراك 2007-12-04, 11:53 pm

ارورط انا

ايه الحاجة اللي بتنام و راسها مدفونة في الرمل ؟

موضوع: رد: ورط اللى وراك 2007-12-05, 12:03 am

الحاجة الى بتنام ورسها مدفونة فى الرمل ( النعامة )0

اورط الى ورايه واقول :

ايه اكتر شئ مش عجبك فى المجتمع او فى الحياة عموما ونفسك انه يتغير Question

موضوع: رد: ورط اللى وراك 2007-12-05, 7:08 am

يااااااااااااااااااااااااااااه دة سؤال لو اخوية الفي تنية ابتدائي يجاوب علية مفيش حاجة عجباني في الحياه ولازم كل واحد يحاول يغير من نفسو علشان الحياه تتغير ولا انا غلطان يا جماعة ولا ايه حد يرد عليه
والسؤال ما اهو اسم وسواق أخر تكسي ركبتو ؟